Yara na karon sa estable nga kondisyon si Cindy Importante matapos nga gintiro sila sang iya mister nga si Danilo, Domingo sang gab-i sa Ramylu Drive sa Barangay Tangub sa Bacolod.
Suno sa kay Police Captain Melvin Mercado ang Station Commander sang Police Station 8, wala sang kamatuoran ang nagwa nga report nga nagtaliwan na si Cindy.
Ila na nga gina handa ang kaso nga murder batuk sa mga suspek nga sanday Juvanie Pelenio kag Jonald Sampilo nga kaingod bala lang man sang mga biktima.
Gina siling nga may inaway ang magkaingod balay nga nag ugat sa inaway sang mga kabataan.
Sang Domingo sang gab-i sang nagasakay sa tricycle ang mag-asawa gikan sa utod ni Cindy sa Gardenville Subdivision kag papauli na sang ginsundan sang mga suspek sakay sa motor kag hinali na lang gintiro sang makapila ka beses.
Ginhingagaw pa dala sa ospital si Danilo apang gindeklarar nga dead on arrival samtang si Cindy ang padayon nga ginabulong sa ospital.
Nagaguwa man sa imbestigasyon sang kapulisan may daan nga inaway ang magkaingod balay nga biktima kag mga suspek bangud sang inaway sang mga kabataan.