Naga ki-ang kiang kag nagapanalakit pa ang lawas ni Reynald Seldora sang maka gwa sa ospital matapos nga mabungguan ang iya ginamaneho nga tricycle sang Toyota Innova sa dalan Lacson kagab-i.
Kaupod niya ang iya asawa nga si Quintina nga wala naman matabangan kag napatay bangud sang naangkon nga mga pilas tuga sang mabaskog nga pagkabunggo kag pagdusdos sa ila sang salakyan.
“Pagbunggo sa akon nabatyagan ko gid nga daw ano bala mag trampaulin bala ti pagligid ko diretso ko bangon, may naghambal sa akon indi mag tindog kay basi may mga fracture ang imo tul-an da. Siling ko kaya ko mag tindog pero may ga uyat sa akon, gina uyatan niya ko nga indi ko patindugon. Siling ko pre wala problema sa akon kay pilas lang ni, buligi lang nyo lihug ang akon asawahon kay ara si asawahon sa dalom salakyan.”
Sa pagpang-usisa sang katapo sang Police Station 2, gikan ang salakyan nga ginamaneho ni David Palawar sa Barangay Cabug kay didto pa lang may nabungguan na siya nga nagabisekleta.
Isa man ka babaye nga rider nga diutayan niya lang ma dalasa sa Barangay Pahanocoy ang ma reklamu man kuntani batuk sa iya sa Police Station 2.
“Naka inom ni siya samtang nadala sang salakyan papauli sa Talisay. Iya allegasyon nga natulugan siya.”
Gin akon naman ni palawar nga naka inom siya antes nabungguan ang mag asawa. Nangayo siya sang pasaylo sa nalisdan nga pamilya.
Istorya ni Seldora, maupod pa kuntani ang iya duha ka mga kabataan sa ila nga mag-asawa para magbakal sang mga ginabaligya nga tanom sa Libertad public market pero wnag desisyon siya nga ibilin sila.
Ang pagbulig sa iya asawa sa pagbaligya sang tanum ang nangin trabaho na ni Seldora sang mag-untat trabaho sa mall tuga sang pandemic.
May onse sila ka mga kabataan.
Sa sini nga balay sa kilid sang sapa sa Barangay Zone 2 sa siudad sang Talisay nagapuyo ang pamilya Seldora.
Bangud man sang hinali nga pagkadula sang iloy sang panimalay sila ang nagahinyo sang bulig.
Wala nagpa areglo ang pamilya Seldora. Mapasaka sang kaso nga reckless imprudence resulting in homicide and physical injury amd damage to property batuk sa drayber sang AUV.