Calatrava Mayor ang gin pamatbatan nga guilty sa kaso nga grave abuse of authority kag gross negligence of duty angut sa administrative complaint nga gin-file sang duha ka duktor sa iya bangud sang pag terminate sang consultancy services nila sa Calatrava Municipal Hospital.
Ang decision ang gin papanaog sadtong Nobyembre 26 kag gin lagdaan ni Vice Governor Jeffrey Ferrer.
Sa desisyon nakasaad nga nakit-an sang Committee of the whole sang Sangguniang Panlalawigan nga naga tindog bilang Quasi-Judicial Body nga guilty si Mayor Marilyn Era sang grave abuse of authority kag gross negligence of duty gani gina papanaugan siya sang duha ka sunod-sunod nga bulan nga suspension.
Ugaling bangud man nga kinahanglang ang gina tawag continuity sang public service sa mga pumuluyo sa banwa, gina multahan na lamang ang alkalde equivalent sa duha ka bulan niya nga sweldo tigaylo sang iya nga suspension.
Ini naman ang iga bayad sa mga doctor-complainants nga kanday Lewyn Torres kag Kristine Ureta.
Gin padangat sa SP sang duha ka mga duktor ang ila nga reklamo batuk sa alkalde nga nag-ugat sa pag terminate sang ila nga consultancy services nga wala sang proper justifiable cause.
Wala man sila ginsabat sang alkalde sa ila nga mga palamangkutanon angut diri.
Gin hire bilang medical consultants sila nga duha humalin Abril 1, 2024 tubtob Hunyo 30, 2024 paagi sa Memorandum of Agreement.
Sa katapusan nga bulan, ginpahibalo na lamang sila nga indi na sila makabaton sang schedule sa rotation para sa bulan sang Hunyo.
Gintinguhaan sang Digicast Negros nga makuhaan sang iya nga bahin si Mayor Era ugaling as of press time wala ini makasabat.
Para naman kay Dr Torres, indi siya satistied sa nangin pamatbat bangud kun basehan ang provisions ang grave misconduct suno sa iya, anum ka bulan tubtob isa ka tuig ang suspension.
Maga sapol pa siya sa iya nga legal counsel sa masunod nga tikang kag ila gina lantaw nga mahimo ila ipadangat ini sa Ombudsman.
Wala naman maka sabat si Dr Ureta sa text sang Digicast Negros sa iya.
“Subong ang final decision waay kami choice. In lieu of the suspension himuon lang nga two months nga sweldo ihatag sa amon. It’s insulting sa part namon. Kami nga duha ni Dr Ureta. Gina ano ko pa ang akon nga counsel. Actually sila ni ang gina pa decide ko. Gina protektahan ko man ang akon nga self kun ano ang dapat. Te didto ko masunod sa ila. Pero most probably ma Ombudsman ko”, suno kay Torres.