Patay ang asawa samtang ginabulong sa ospital ang iya bana matapos ma hit-and-run sang pick up ang ila ginsakyan nga motorsiklo sa Hacienda Garazon, Brgy. San Jose banwa sang Binalbagan, Sabado sang kaagahon.
Sanday Joear kag Gilberta Liboon ang taga Brgy. Quintin Remo sa Moises Padilla kag nagbakal lang sang inugbaligya nga isda sa Himamaylan City.
Sa report sang Binalbagan PNP, papuli na ang mga biktima sang mabungguan sang pick up nga nagasunod sa ila.
Nagpanawagan ang mga himata sang mga biktima sa driver sang pick up nga magsungka na sa PNP kag atubangon ang iya obligasyon.
Nagapadayon ang imbestigasyon sang PNP para makilala ang driver.