
Roadmap sang ginahandum nga Supercity pagapatpaton sa natalana business summit sa Bacolod sa Pebrero 7.
Ang pagtukod sang apat ka mga economic districts kabahin sang masterplan sang Bacolod LGU nga gin-present ni Mayor Alfredo Abelardo Benitez sang nagligad nga Nobyembre.
Luyag niya nga mapatpat ini upod sa katapo sang business sector sa tuyo nga masuguran ang mga tikang para sa ginahandom nga supercity paagi sa natalana nga Business Summit sa Pebrero 7.
Nalakip sa master plan ang pagtunga sa siudad sa North, East, South and West zones ukon districts para sa dugang nga mga investment opportunities sa bahin sang sustainable urban development, mobility kag ecological resilience.
Nagapati ang alkalde nga dako ang sarang mabulig sang katapo sang business sector sa paglab-ot sang roadmap para sa supercity karon nga nasuguran na ang mga pagbag-o bahin sa panghimanwa gamit ang digital technology.