Gina kasubog sang pumuluyo sang Negros Occidental ang pag taliwan ni anay Governor Daniel Bitay Lacson.
Ini ang ginpahayag ni Governor Eugenio Jose Lacson sang Sabado.
Nagtaliwan ang anay gobernador sa edad nga 77 sa iya nga puluy-an sa Bacolod City las 9:05 sang gab-i sang Biyernes, Setyembre 6.
Nag pangalagad bilang gobernador si Governor Bitay, humalin 1986 tubtob 1992. Sya man ang nagserbe nga chairman sang Philippine National Bank kag Government Service Insurance System.
Ang hayahay sang punsod ang naka half mast sa provincial capitol para sa nagtaliwan nga opisyal.
Ginmando man ni Bacolod Mayor Albee Benitez ang pag half mast sang mga hayahay sa Bacolod sa tanan nga talatapan sang gobyerno.
In honor man sa kay anay Governor Bitay, isa ka misa kag isa ka programa sa Capitol Social Hall ang natalana sa Martes las dies sang aga.
Ginsiling ni Governor Lacson nga labing ginapasalamatan ang kabuhi ni anay Governor Bitay labi na ang iya na pag pangalagad sa publiko.
Isa ka maalam kag palangga nga pamuno ang nadula sa probinsya.
Ginsiling naman ni Bacolod Mayor Benitez nga isa ka matuod-tuod nga public servant ang nadula.
Ang iya nga kabuhi naga kaangay nga sundon sang bag-o nga henerasyon.
Pila sa mga ginadumdom si Bitay amo ang iya nga vision para sa mini Taiwan para sa Negros Occidental kasubong man ang iya nga star of hope.