General Benedict Arevalo nag pamuno sang Change of Command Ceremony sa tunga nanday Gen Inocencio Pasaporte (left) kag Col Michael Samson (right) nga karon nagaserba nga acting Commander sang 303rd Bde.
Si Col Michael Samson, nga nag serbe nga Deputy Commander sang 303rd Infantry Brigade sang Philippine Army, sa karon ang bag-o nga pamuno sini.
Ginpatigayon ang turn-over of command Martes sang aga sa Headquarters sang 303rd Brigade.
Kabahin sang marching orders ni General Benedict Arevalo ang pamuno sang 3rd Infantry Division kay Samson nga karon acting commander, amo nga padayunon sini ang current mission nga ginsugdan na ni Brigadier General Inocencio Pasaporte nga sa karon ang maga retiro na sa serbisyo.
Suno kay Arevalo, padayon nga naga hina ang pwersa sang rebeldeng NPA sa Negros.
May masobra sa 50 ka mga military initiated encounter sa area of responsibility sang division ang nagluntad kag ini ang nangin madinalag-on, ilabi na nga pila sa sining mga encounter suno kay Arevalo ang nag neutralize sang mga matag-as nga lider sang rebeldeng hublag.
Dugang pa ni Arevalo, bisan pa nga kasubong ang sitwasyon sang NPA wala sila naga kumpiansa kag padayon ang ila nga paglagas sa ila.
Importante man suno kay Arevalo ang suporta sang mga pumuluyo sa ila nga kampanya.
“They’re continuously weakening. Pahina sila ng pahina. They will try to show that they are still a force to reckon with pero alam namin na humihina na sila. Ang utos ko naman sa ating tropa maski na humihina sila huwag tayong mag kukumpiyansa. Patuloy ang pag- tugis. Be still on the offensive. One is too many for the NPA to be here in Negros kaya kami mag papatuloy ang ating kampanya hanggang malipon natin sila na hindi na makakagawa ng ano mang karahasan at saka atrocities”, suno kay Arevalo.