Halos isa ka libo ang nag-evacuate gikan sa mga nabukid nga barangay sang Escalante City kag Toboso bangud sang sunod-sunod nga engkwentro sa tunga sang tropa sang militar kag rebeldeng NPA.
Pasado las 7 kagab-I, nagpatuman sang airstrike ang militar sa Mansulao, Brgy Pinapugasan sa Escalante City, Suno kay Lt Col J-Jay JAvines ang spokesperson sang 3rd Infantry Division.
Sa video nga kuha sang K5 News FM San Carlos, makita ang ginpatuman nga operation sang militar.
Paathag ni Javines, mga lima na man lang ang nabilin sa bahin sang rebelde ugaling kay may mabaskog pa sila nga firepower. Wala labot sini mataas ang risgo para sa mga soldado bangud sang vantage point sa bahin sang rebelde rason nga nag gamit sang air asset ang militar.
“Medyo advantage na sa vantage point sila. Medyo risky sa aton nga tropa nga atakehon sila. To avoid yung risk na may casualty kita, gin-deploy naton ang aton air asset”, suno kay Javines.
Sa sulod sang duha ka adlaw may walo na tanan ka engkwentro ang nagluntad sa tunga sang tropa sang 79th Infantry Battalion kag sang remnants ukon nabilin nga katapo sang NPA.
Tatlo ka armado ang napatay kag tatlo ka soldado kag isa naman ka katapo sang CAFGU ang nasamaran. Bangud man sang pag bayluhanay sang lupok suno kay Javines may mga 500 ka mga pumuluyo ang nag evacuate sa mga apektado nga lugar sa Escalante City. Ginsiling naman ni Toboso Councilor Richard Jaojoco, nga 491 sa ila 11am nga report ang nag-evacuate gikan sa Sitio Mansulao, Mainit, Mag-aso, Danao kag Balod sa Brgy San Isidro nga nabukid nga barangay sang Toboso.
Samtang, may assessment nga ipatuman ang militar kun bala sarang na magbalik ang klase sa Lunes sa Toboso kag Escalante.
“Based on experience ang NPA pag nag engkwentro they won’t last long. Ma withdraw sila. In this case, nag battle head-on. It would indicate may ara sa hierearchy sa upod nila or may mga samaron sila, may mga wounded sila na indi nila mabayaan, ila nga leader na igo, nasamaran, wounded man. Or maybe another nakulong sila, wala sila pakadtuan”, suno kay Javines.