Ginsampolan sang katapo ang Bacolod Traffic Authority Office ang mga tag-iya sang salakyan nga nagapark sa kilid sang dalan Gatuslao paagi sa clamping kag towing operation kaina sang aga.
Kabahin sa ginpang-clamp nga salakyan ang ginapanag-iyahan sang mga abugado nga may mga transaksyon sa Hall of Justice kag kaiping nga mga government agency offices.
Pati ang salakyan nga ginapanag-iyahan sang DepEd kabankalan kag San Carlos City LGU ang wala makalampuwas sa clamping operation. Pila naman sa e-bike kag tricycle nga nagapark sa dalan kag naga-byahe out of route ang ginpang-tow man upod sa pila ka mga salakyan.
Ginpahayag ni BTAO head Patrick Lacson nga ang ila pagpatuman sang clamping kag towing wala sang pinili-an.
Samtang pending pa ang request sang katapo sang Integrated Bar of the Philippines angut sa paghinyo sang konsiderasyon nga maka-park ang mga abugado sa kilid sang Hall of Justice sa konseho.
Gani ginpasalig sang pamunuan sang BTAO nga magapadayon ang ila operation agud mapasiguro nga mangin hilway ang dalan batuk sa nagapark sa kilid sang mga sidewalk kag dalan