Municipal Health Officer sang Cauayan ang mangin bag-o nga Provincial Health Officer sang Negros Occidental.
Ginsiling ni Negros Occidental Governor Eugenio Jose Lacson nga na-hire na sang probinsya si Dr Ayessa Hugnatan. Pero mga duha ka semana pa kag siya ang maka full time sa probinsya.
Sa karon naga serbe nga OIC sang PHO si Dr Josephine Pahamtang nga naga serbe man nga chief of Hospital sang Teresita Lopez Jalandoni Provincial Hospital sa Silay.
Suno kay Lacson ang ihibalo kag talento sang 41 anyos nga duktor ang naga kaigo nga i-share sa bilog nga probinsya.
Sang Biyernes lamang nag-retire si Dr Girlie Pinongan bilang PHO.
Ginhingadlan man ni Lacson si Dr Von Andre Aposaga bilang OIC for public health service sang PHO.*
[sibwp_form id=1]