Kun may mga job order casuals gid man nga naga reklamu nga wala pa makabaton sang sweldo mahimu nga wala pa ang ila appointment letter ukon mahimu kabahin sila sa mga gina-verify kag gina validate pa kun bala naga ubra pa ukon wala na suno kay Atty. Boyet Maghari city administrator sang siudad sang Bacolod.
Ginapasiguro man sang Benitez administration suno kay Maghari nga wala sang ghost employee kag indi lang appointment ukon endorsement letter ang mangin balasehan kundi ang pagpasiguro man nga santo ang trabaho sang JO sa iya ginabaton nga sweldo.
Sa 2023 plano sang siudad nga buhinan sa malapit 3,000 ang job order casuals agud man maka compensate sa kapin P300 milyon pesos nga budget cut National Tax Allotment.
Pero karon pa lang gina amat amatan na sang siudad ang pagkakas sang mga empleyado ilabi na sa pila mga JO nga mapat ud wala na naga trabaho sang husto.