Gina paabot ang pag release sang 13th month pay para sa mga government employees sumugod sini nga semana.
Suno kay Renelo Lastierre ang presidente sang Progressive Alliance of Capitol Employees, sandig sa pagsulundan ang 13th month pay nga equivalent sa isa ka bulan nga sweldo sang isa ka empleydado ang iga hatag sumugod Nobyembre 15.
Suno kay Provincial Administrator Rayfrando Diaz sila ang maga sapol sa finance cluster bahin diri, kag ang tanan naka handa naman base sa schedule.
Bahin naman sa bonus, mahimo nga mas manubo ang mabaton sang empleyado karon kun ipaanggid sa nagligad nga tuig.
Suno kay Diaz ini kasunod sang pag disallow sang Commission on Audit sang IBES ukon Incentive Benefit for Exemplary Services sa pag grant sang bonus sang mga empleyado. 25,000 pesos ang gin grant sa idalom sang IBES sang 2021.
Tigaylo suno kay Diaz mangin Performance Based Bonus na lamang kun sa diin pila sa mga basehan amo ang rating sa performance kag ang sweldo ukon ang salargy grade mismo nga gina baton sang tagsa ka empleyado.
Maga pabilin naman ang iban nga bonuses kasubong sang Collective Negotiation Agreement Bonus kag Productivity Enhancement Incentive.