Mga naga-obra sa mga kiosko sa mga festival sites indi makabaligya kun wala sang health cards.
Ginpaandaman na sang katapo Environmental Sanitation Division sang City Health Office ang mga naga renta sang kiosko sa Bacolod City Government Center nga wala sang health card sang ginpatigayon ang sanitation inspection kahapon.
Suno kay City Administrator Pacifico Maghari, III, ang mga health cards kabahin sang pagpasiguro sang proper food handling kag sanitation sa mga kalan-an kag iban pa nga baligyaan sa festival sites.
Gani indi nila pagtugutan nga makabaligya ang mga trabahador nga wala ang health cards.
Masunod man nga magapatigayon sang inspection ang katapo sang CHO sa mga kiosko sa Bacolod Public Plaza kag sa iban pa nga mga festival sites ilabi na diri ang mga nagabaligya sang pagkaon.
Nalakip man sa ginapasalig sang siudad nga mapabilin ang kalimpyo sa mga festival sites sa bulig sang katapo sang Department of Public Services.