Hugot na nga ginapatuman sang Bacolod City Legal Office ang 1 by 1 meter nga pwesto sa kada vendor sa downtown area agud mas mangin malapad na ang alagyan sang publiko.
Martes sang hapon, liwat nga ginbisitahan sang CLO Enforcement Team kaupod ang pamunuan sang federation sang mga vendors sa downtown area agud liwat nga ipahanumdum sa mga vendors ang nakasaad sa laye sang siudad.
Ginsiling sang Presidente sang Federation of Bacolod Vendors Association nga si Lucelyn DelaPaz, nga nag pakighinun-anon na ang CLO sa ila kag nakasugtan na sundon ang 1 by 1 meter kag dapat indi maglapaw sa 5 feet ang kataason sang tagsa ka stall.
Ginkasugtan man nga ang tanan nga stalls sa area ang kinahanglan may uniform nga mga payong agud mas manami ini lantawon sa dalan.
Suno naman kay Bacolod City Administrator Atty. Mark Steven Mayo, sandig sa vending ordinance sang siudad pwede ang vending sa Gonzaga Street apang bawal naman sa Araneta Street.
Sa profiling sang siudad, may 50 ka vendors ang yara sa Gonzaga Street kag diri man plano nga ibutang mga vendors nga nagalapaw na sa dalan.
[sibwp_form id=1]