Agud nga mas mabuligan ang katapo sang small farmers organization sa siudad, igalatana sang Bacolod LGU ang Bacolod City Government Center Atrium bilang Farmer’s Market.
Diri sarang maka-display kag baligya sang ila mga produkto nga kararuton kag utan ang mga mangunguma.
Magluwas sa mga utan, may mga handicrafts kag iban pa nga produkto ang sarang mabakal sa Farmer’s Market kada Biyernes.
Ang pagtalana sang Farmer’s Market paagi sa City Agriculture Office kabahin sang tikang sang siudad agud mas makabarato ang mga bumalakal kag madirekta sila sa mga mangunguma.
Damlag pa ginsuguran naman sang Bacolod LGU ang Agri Digital platform nga sarang makabulig sa mga farmers organization sa siudad paagi sa online transactions.