Nakit-an sang isa ka persona nga may ginapang-it nga tul-an ang isa ka ido gani ginsundan niya ini sa kampo kag didto nakit-an ang mga tul-an sang tawo sa kampo nga sakop sang Purok Guanzon, Barangay Mansilingan sa Bacolod City, Martes sang aga, Nobyembre 10.
Ginsiling ni Police Capt. Jay-r Reyes, hepe sang Police Station 7 nga nag-request na sila sang examination sa Crime Laboratory agod mahibaluan kon lalaki ukon babaye ang nagapanag-iya sang mga tul-an.
Magluwas sa skeleton sang tawo, na-recover man sa lugar ang isa ka shorts kag kulintas nga tribal.
Suno sa hepe, wala sang may na-report nga missing sa area sang Station 7 apang sila pa ang naga-coordinate sa iban pa nga police stations kun may yara sila sang reported missing person.
[sibwp_form id=1]