May 600 na ka mga traditional jeepney units ang napanapikan sang safety check stickers sang Bacolod Traffic and Transportation Management Department sa Bacolod.
Ginpahayag ni BTTMD OIC Patrick Lacson nga paagi sa mga stickers tuyo nila nga ma-inventory ang tanan nga mga traditional jeepney nga nagabyahe kag para masiguro kun pila ang nagabyahe nga colorum ukon indi kumpleto sa mga permits.
Ginsiling ni Asenso Bacolod Cooperative Chairman Jun Asis nga indi magnubo sa 1,200 ang ila mga miyembro nga traditional jeepney operators kag drivers nga naka-pa consolidate kag naga-proseso na sang business permits halin sa siudad.
Gindugang ni Lacson nga kutob lamang sa mga consolidated ang pwede matapikan sang safety check stickers nga nagapamatuod nga insured ang mga ila mga jeepney units.
Gina-usisa na sang BTTMD kun may yara sang peke nga mga stickers nga mahimo i-duplicate.