Sa Facebook post ni Leo Jabagat Mamigo, sa Bacolod pa sila naga pa refill sang ilimnon nga tubig.
Ginatos nga container ang iya nga gina dala pa Bacolod kay may mga iban pa gid nga mga pumuluyo didto ang naga padala sa iya.
May pagsaka kuno sa bili sang tubig sa Kabankalan City gani naga pa Bacolod pa sila.
Wala pa sila sang may mabaklan nga ilimnon nga tubig sa Cauayan.
Sa pag abot niya sa Bacolod, may mga naga padala naman sa iya sang relief goods kag tubig nga ipadala sa ila nga mga himata sa Cauayan. Si Mamigo kag ang iya nga mga abyan ang naga patigayon sang relief operation sa banwa.