Shadow

Mga stalls sang Manokan Country nga wala nagabayad sang arrears ang posible man pasirad-an sang siudad

YouTube player

May P11.2 million pesos pa nga arrears ukon balayran ang Burgos Public Market.

Wala pa mapat-ud ni Councilor Celia Flor,ang pamuno sang Committee on Markets and Slaughterhouse sang konseho kun pila ang kabilugan nga utang sang tatlo ka mga dalagko nga mga merkado sa Bacolod.

Nalakip diri ang Libertad kag Central Market. Pero magluwas sa mga merkado, may minilyon ka pesos man nga arrears ang Manokan Country.

Suno kay Flor, kasubong sang mga market vendors nga sarang mapahalin kun indi makabayad sang arrears, posible man pasirad-an ang mga kalan-an sang mga stall owners nga tinuig nga wala nagabayad sang iya obligasyon sa local government unit.

Nagligad lang 2017 sang naglab-ot sa P6.8 million pesos ang arrears halin sa Manokan Country.

Ginatun-an pa ni Flor kun dapat tagaan sang amnesty ang mga negosyante nga wala nagabayad sang ila utang sa siudad.

Secured By miniOrangeSecured By miniOrange