May 833 sa gihapon ka mga pamilya ang naga pabilin sa lima ka mga evacuation center sa banwa sang La Castellana.
Ini base sa June 19, 6am report sang Office of the Civil Defense.
Suno kay La Castellana Mayor Rhummyla Nicor-Mangilimutan ang sitwasyon sang sini nga mga pumuluyo nga gikan sa mga critical areas sang banwa ang maga depende man sa sitwasyon sang bulkan Kanlaon.
Pero ginduso na sang Office of the Civil Defense suno sa alkalde nga pat-uron ang borders para sa four kilometer permanent danger zone agudto nga mapabilin ini nga hilway gikan sa ano man nga human activity.
Gina propose sang banwa ang relocation sa mga naga puyo sa sakop sang 4km permanent danger zone.
Wala man sa karon sang relocation site ang LGU para sa mga apektado nga pumuluyo.
Maga hinyo sila sang bulig gikan sa national government para sa pag evacuate permanently sang mga naga puyo diri kay indi man masarangan ini sang LGU suno sa alkalde.
Sa karon may mga 100 pa ka pamilya ang mahimo iga-relocate kay ang iban naka saylo naman suno kay Nicor-Mangilimutan.
“Ma propose kami siguro nga mag permanent. Amo na siya ang i-propose ta because LGU cannot afford to have that sa ila pag relocate. Maybe we will ask the national government for help for them na mag evacuate permanently”, suno kay Nicor-Mangilimutan.