Mga PWD kabahin sa mga natagaan prayoridad sa Valentine’s Day Job Fair sa Bacolod. Kabahin sa mga nagdugok sa Valentine’s Day Job Fair ang pila ka mga persons with disability nga gintagaan prayoridad sang PESO – Bacolod.
Sa bulig sang interactive screen nangin dako ini nga bulig sa mga kasubong ni Jeanadith Pabuaya, isa ka deaf nga nangita sang ubra. Paagi sa smart TV sarang ma access sang mga job seekers ang mga kumpanya nga nagapangita sang ila pagserbisyo.
Suno kay PESO – Bacolod Coordinator Jovelyn Canoy, may malapit 80 ka mga kumpanya ang nakigbahin sa job fair, 12 diri ang naga-hire sang workers para sa abroad. Masobra 11,000 ka mga job seekers ang target nga mabuligan sang siudad upod sa SM City – Bacolod sa job fair. Magapadayon ang Valentine’s Day job fair tubtob bwas sa SMX Convention Center.