Shadow

GOOD VIBES | Kun para sa kadam-an sa mga plantitos kag plantitas ang pagpananum ang isa ka sahi sang hobby ukon stress reliever, ini naman ang main source of income sang iban sa panahon sang pandemic

Sa pagdamo sang plantitos kag plantitas, ukon ang nga nangin mahilig sa tanum may mga pangabuhi man nga nabuligan.

Diri sa banwa sang Don Salvador Benedicto naga idas ang naga baligya sang mga tanum sa higad sang dalan.

Humalin sadto pa sila naga baligya sang mga tanum diri pero bangud sang pandemic, mas nag maayo ang lakat sang negosyo ugaling naga depende man sa quarantine status. Kun may lockdown ukon mas estrikto nga border control, wala man sang income.

Isa diri sa ila si Gigi Baylon. Sa kada kambyo sang quarantine status naga depende ang lakat sang iya negosyo.

Kun wala sang border control, maayo man ang lakat sang negosyo. Maka ganar man siya sang nuebe mil pesos sa isa ka weekend. May yara na gani siya sang mga na pondar.

Bangud sang pagka uso sang badyang, may makita ka na sa highway sang DSB nga mga naka display nga badyang nga gina baligya.

Sa Bacolod naman malapit sa Libertad Market, may mga naga baligya na sang mga tanum nga naga idas.

Isa sa ila si Nerisa sang Barangay Minoyan sang Murcia. Ang pagbaligya sang mga tanum amo ang iya nangin source of incomen humalin sang nag sugod ang pandemic. Gina alsada niya ang mga tanum gikan sa Murcia kun may yara siya sang orders.

Sa apat ka bulan nga pag negosyo may mga suki na siya.

Suno sa iya kinahanglan niya nga maghimakas para may ibakal sang pagkaon kag pangbayad sang bills.

Sanday Nerisa kag Gigi naka pangita sang oportunidad nga padayon nga maka hatag sang kinahanglan sang ila mga pamilya bisan pa apektado man sang pandemic. Suno sa ila, diskarte kag paninghua lang ang kinahanglan para maka bangon.

Leave a Reply

Your email address will not be published. Required fields are marked *

Secured By miniOrangeSecured By miniOrange