Ini ang eksena kaina sang aga sa may Binalbagan River sa boundary sang Barangay Marina kag San Jose sa banwa sang Binalbagan.
Samtang naga saka nga naga saka ang tubig sa suba, may naga idas man nga mga tawo kag naga bantay.
Naga lantaw sila samtang ang ila nga mga kaingud balay naga pamunit sang mga bagay nga pwede pa mapuslan sa mismo nga suba.
Sa higad sang dalan may natipon na nga mga kahoy nga pwede pa magamit, may saging, kapayas kag lubi.
Dugay-dugay ang ini nga lalaki nga nagapang sikop naka kuha pa sang container nga may unod nga krudo.
Istorya nila, kadamo sang nagaka-anod sa suba.
May balay pa gani kuno nga na anod kag ang puertahan na stuck pa sa idalom sang taytay.
May nakalabay man nga patay nga baka kag patay nga baboy.
Mas mataas pa gid ang tubig subong nga adlaw kun ikumpara sang kahapon, Hwebes.
Enkaso kinahanglan ga i-evacuate naka handa naman sila.
Pero samtang wala pa, amo sini ang gina kasakuan sang iban sa ila.
Ang mani-od kag mamunit sa suba sang mga butang nga pwede pa mapuslan.
