US Ambassador to the Philippines ang nag bisita sa Bacolod kag probinsya sang Negros Occidental kag isa sa gintalakay ang mga grants sang Estados Unidos sa Pilipinas.
Kaina sang aga personal nga nagsapol si Governor Eugenio Jose Lacson kay US Ambassador to the Philippines MaryKay Carlson sa Provincial Capitol.
Suno kay Bacolod Mayor Albee Benitez, upod kay Sec Francisco Benitez sang TESDA kag Victorias City Mayor Javi Benitez sila ang nakigsapol man kay Ambassador Carlson kahapon.
Dala sang transition sa US Administration, gin-hold sa sulod sang 90 diyas ang tanan nga grant sang US AID kag sang Estados Unidos sa pungsod.
May mga proyekto sa Bacolod kag Negros Occidental ang ma apektuhan nalakip na diri ang Negros Occidental Bulk Water Supply Project suno kay Benitez.
Iya man ginsiling nga si TESDA Director General Kiko Benitez nga may mga proyekto sa idalom sang iya talatapan nga funded sang US AID kag Estados Unidos luyag nga indi dapat ang mga ini madula.
Suno kay Benitez sila ang magapahibalo paagi sa pagsulat sa embahada kag maga pahibalo sang importansya sang mga proyekto nga ma apektuhan kag sang epekto sini kun mag untat.
Ginsiling naman ni Provincial Administrator Rayfrando Diaz nga ang probinsya ang gin-assure ni Ambassador Carlson nga ang pungsod naga pabilin nga importante nga partner sang Estados Unidos kag indi magkahadlok sa suspension sang assistance bangud ini ang maga abot.
Ginsiling ni Diaz nga sa ila pag istorya sa ambassador, nga ang bulk water project kag sanitation ang maga pabilin nga naga panguna nga mga proyekto ni Governor Lacson sa ginapaabot niya nga ikatlo nga termino kun siya ang padayon nga maka pungko sa position.