Mga produkto nga wala sang label ukon kwestionable ang gin halinan. Ini man sa karon ang gina tutukan sang African Swine Fever Task Force.
Suno kay OIC Provincial Veterinarian, Dr Placeda Lemana indi lamang sa mga puerto, shorelines kag mga border naga tutok ang ASF Task Force, naga inspect man sila sa mga gina baligya nga produkto nga wala sang label kag ini ang gina confiscate.
Ehemplo sini mga gina baligya nga chorizo nga wala sang label, kag indi ma pat-od ang source sini.
Indi na luyag pa nga mag kumpiansa sang ASF Task Force. Bisan gani ang mga Bantay Dagat naga bulig na sa pag pahugot sang mga monitoring sang shorelines.
Sini lamang, nagdugang pa gid sang personnel ang Bacolod para sa ASF monitoring suno kay Lemana.