Tungod sang kahangawa sa kaso sang Covid-19 Delta variant, ginakinahanglan na sang mga private APORs ukon authorized persons outside residence ilabi na ang gikan sa Panay.
Nga magpakita sang negative RT-PCR test result sa ila pagbyahe pasulod sa Bacolod.
Sandig man sa Executive Order No. 42 ni Mayor Evelio Leonardia,ginakinahanglan man ang S-Pass travel coordination permit, online health declaration certificate, BaCTrac kag valid ID.
Pero suno kay Vice Mayor El Cid Familiaran, exempted sa EO ang mga government APORs ukon employees.
Kahapon liwat nga ginpahanumdum sang Inter-Agency task force sa mga shipping firms nga striktohon ang pag usisa sa mga pasahero matapos may pila ka mga private APORs nga gin rekta sa quarantine facility para ma swab test.
Wala gihapon ginatugutan ang leisure travel para sa mga pasahero gikan sa Panay island.
Bisan mga fully vaccinated individual nga magabyahe pa Bacolod ginakinahanglan man gihapon mag present sang negative RT-PCR test.