Pito ka mga drivers sa Bacolod City ang nagpositibo sa pag-gamit sang iligal nga droga, base sa initial result sang random drug testing may angot sa nagapadayon nga Oplan Harabas-Undas 2026.
Sa pito nga nagpositibo, apat diri ang tricycle driver, isa ka taxi driver kag duha ang driver sang truck.
Magapaidalom sa confirmatory test ang mga nagpositibo, suno sa LTO.
Ginpaidalom sa drug testing ang 100 ka mga drivers sang tricycle, taxi, truck, modernized Public Utility Vehicles, kag traditional PUV sa Bacolod North Bus Terminal sakop sang Barangay Bata sa Bacolod City.
Kabahin ini sang Oplan Harabas sang Land Transportation Office-Negros Island Region upod ang Philippine Drug Enforcement Agency kag Philippine National Police.*
[sibwp_form id=1]