Mga pribado nga indibidwal pati na mga bloggers kag influencers naga bulig sa pagtipon sang relief goods para sa nahalitan sang bagyo.
Indi lang ang gobyerno ang naga pangita sang pamaagi para mabuligan ang mga nahalitan sang bagyo.
Si Jai Galvez sang Discover Cauayan nga blog nagtipon sang pondo para maka bakal sang ilimnon nga tubig para ipanagtag sa banwa sang Cauayan nga sa karon wala sang supply sang tubig.
Si Lagawander nagtipon man sang pondo para maka dala sang ayuda sa mga taga banwa sang Candoni nga lubos man nga na apektuhan sang bagyo.
Ang mga influencers kag bloggers nga sanday Tia Lacson kaupod si Mauee Happy Feet, Lexplorations PH, Journey with the Andases kag Dave Graciadas ang nag isa para maka tipon sang pondo kag relief goods nga ila naman pagadal-on sa Kabankalan City kag sa Sipalay City.
Ang Breys Beauty and Skin Care Center ang nag commit man nga ang ila malapit sa 25 mil pesos nga sales sa isa ka adlaw ang ila tanan nga idonate sa southern Negros.
Ang Mamabels Home Garden naman nag commit man sang tres siyentes ka mga native Philippine seedlings para sa tree planting para ma islan ang mga puno sang kahoy nga nagkala bungkal bangud sang bagyo.