Bacolod City Police Office ang magatalana sang PNP personnel nga temporaryo nga magatal-us sa mga traffic enforcer sa siudad.
Sa Hunyo 22 na ang turn-over sa tunga sang transition team sang incoming Benitez Administration kag outgoing Leonardia Administration.
Gani ginasuguran na sang Bacolod City Police Office ang pag training sang mga police personnel nga amo ang magatal-us sa mga traffic enforcers nga maga tapos na ang kontrata bilang job order casuals.
Suno kay Police Lieutenant Colonel Sherlock Gabana, spokeserson sang BCPO, maga train man sila sang mga force multipliers nga maga serbe dugang nga tanod kag mga police auxillary members sa mga kabarangayan.
May isa man ka gatos nga dugang nga force multipliers halin sa incoming Benitez Administration ang magapaidalom sa training para ma deploy sa mga police station sang siudad.