Ginpang akigan ni jessie Real, ang presidente sang asosasyon sang mga drivers kag operators sang Mansilingan ang mga drayber kun ngaa ulihi na sila nagbiyahe.
Nagdinagsa abe kaina sang aga ang mga pasahero sa higad sang karsada nga naga hulat sang depasahe nga salakyan.
Halin sa Barangay Estefania papanaog sa East, naga idas ang pasahero sa higad sang dalan.
Amo man sa Barangay Mansilingan. Pag abot sang sini nga depasahe nga salakyan sa may bangga pa Vista Alegre puno dayon.
Siling sang gasoline boy sa sini nga gas station, indi na makapatughong ang ila nga mga customer kay napuno sang pasahero ang ila gas station.
Mayo na lang gani kuno kay may bus sang siudad nga nagtanyag sang libre nga sakay
Ang mga pasahero naga kumod, late na sa trabaho.
Pati salakyan sang mga barangay nag bulig na tanyag libre nga sakay
Kag ang mga modern jeepney nga sa Huwebes pa matagaan prangkisa nag tanyag na lang anay sang libre nga sakay sa mga commuters
Siling pa sang presidente sang mga driver kag operators… Kun mag sige ang panakop sang wala prangkisa kag wala pa sang nagakaigo nga mga modern jeepney nga masakyan, ang commuters ang makaluluoy.
May mga eskwelahan nga nag kansela sang face to face classes subong nga adlaw kay basi mabudlayan ang mga estudyante sa pag commute.
Sa idalom sang transport modernization law, indi na maka biyahe kag karga pasahero ang mga salakyan nga masobra na sa kinse ka tuig ang edad gani ang mga daan nga jeep wala na gin isyuhan sang prangkisa sang LTFRB.
Nag ayo sila sadto kay Mayor Albee Benitez nga buligan sila ayo sa lto nga tugutan sila maka biyahe tubtob marso sa masunod nga tuig pero nagpang dakop na ang LTO kag LTFRB kaina sang aga.
Bwas liwat nga maga dangop ang mga drivers kag operators sa alkalde para mapasugtan sila sa gihapon nga maka biyahe sa dalanon.