Wala napaiway ang pagbaisay sang tunga sang jeepney operator kag katapo sang Bacolod Traffic Authority Office nga gin-deputized sang Land Transportation Office sa regular nga road inspection sa SM City Mall sa Reclamation Area kaina sang aga.
Kalabanan sa mga naisyuhan sang citation ticket mga jeep nga wala sang business permit kag expired ang prangkisa.
May mga taxi kag jeepney drayber man nga na isyuhan sang violation ticket tungod wala sang seatbelt.
May mga nadakpan man nga colurom nga jeep kag bisan mga konduktor sang modernized jeep naisyuhan sang violation ticket.
Pruweba ini suno kay Novero nga wala nila gina single-out ang mga traditional jeep sa dakpanay.
Pero si Joedito Bolhano, drayber sang Singcang – Central Market nga jeep ginpakamaayo nga indi na lang magbyahe bangud Nobyembre 2021 pa nag expire ang gin issue sa iya nga provisional authority sang Land Transportation Franchising and Regulatory Board.
Isa lamang si Bolhano sa masobra duha ka libo ka mga drayber/operator sang traditional jeepney nga wala nakabyahe sang nagsugod ang dakpanay sang LTO kaina sang aga.
Suno sa LTO indi lang ini subong nga adlaw. Adlaw-adlaw na nila nga himuon ang pagpanakop sang mga wala prangkisa nga mga jeep, tricycle kag taxi.