
Mga pampubliko nga eskwelahan sa Bacolod ginaplano mabutangan sang solar power installation project.
24 sa 27 ka mga pampubliko nga eskwelahan sa Bacolod ang nasuguran na nga mabutangan sang libre nga wifi humalin sang nagligad nga tuig.
Pero magluwas sa internet connection, ginaduso ni Councilor Al Victor Espino, pamuno sang Committee on Education nga ma-install ang solar power installation project sa tanan sa mga pampubliko nga eskwelahan.
Nagapati si Espino nga paagi sa solar power installation project mas makakinot ang siudad sang balayran sa supply sang kuryente kag mapabaskog ang kampanya angut sa environmental protection paagi sa renewable energy.
Sang nagligad lang nga tuig sang nasuguran sang Bacolod LGU ang solar power installation project sa Bacolod City Government Center kag sa 15 pa ka mga barangay sa siudad nalakip na diri ang Rizal Elementary School sa Barangay 16.