Mga pamatan-on ang nag salida sang ila nga abilidad sa robotics sa provincial kag national nga kumpetisyon nga gin sakdag diri sa Negros Occidental.
Sa 4th Battle of Bots: Robotics Competition 2024, may 720 ka mga estudyante ang nagpakigbahin sa kumpetisyon nga may yara sang nagkalain-lain nga categories nga naga lakip sang Line Tracing, Mission Challenge, Sumobot kag Innovative Project Ideas. Suno kay Ma. Cristina Orbecido ang NOLITC administrator, makit-an ang pagsaka sang interes sang mga pamatan-on sa robotics. Sang una ini gin launch sang 2019, may mga isa ka gatos lamang ka mga kabataan ang nag pakibahin, karon, nag dangat na ang mga nagpakigahin sa 720. Suno kay Melvin Matulac ang founder sang Pinoy Robot Games, kun lantawon yara pa sa nagkalain-lain man nga lebel sang skills sang mga estudyante, ang labing tinutuyo nila amo nga ang ini ang maga hatag sang ligwa kag higayon saa pag develop sang sini nga mga kabataan nga mangin future inventors. Biyernes ginpatigayon ang national nga kumpetisyon kun sa diin ang mga nag dalaog sa 4th Battle of Bots ang nag engkwentro sa iban man nga mga nagdalaog gikan sa Visayas. Ang mga maga daog naman diri ang hatagan sang higayon nga maka pakigahin sa international competition.