Wala nasabat sang tiglawas sang probinsya kag sang US AID ang mga pamangkot sang konseho sang Silay angut sa bulk water project sang Negros Occidental. Committee hearing ang ipatuman.
Suno kay Vice Mayor Tom Ledesma unanimous ang desisyon sang konseho nga maga sakdag sang public hearing. Ang committee on Environment kag Barangay Affairs suno sa iya ang maga patigayon sang committee hearing. Suno sa bise alkalde wala sang specific nga data nga na present sa konseho wala man sang study nga gin-submit. Ang isa sa ginakabalak-an nila ang mangin epekto sa palibot sang amo nga proyekto kag ang matabo man sa supply sang tubig gikan sa Imbang kag Malogo Rivers labi na nga sang El Nino, sa pagtuon sang ila nga Disaster Risk Reduction and Management Team namutikan ang pag nubo sang water level.
“Ang council, the whole, unanimous, indi pa gid convinced sa ginpadala nila yesterday nga resource persons. Ang study nila about sa volume sang tubig, indi nila ma coincide. Ang ila data from US AID wala sang specific nga test sila nga ginhambal or kun sang san-o na. Wala sang specific date. Kun sang san-o na na test ang volume sang Imbang River”, suno kay Ledesma.
Klaro ni Ledesma, wala nagakasayuran nga sila ang naga pamatuk sa proyekto. Ang Silay SP na lamang ang wala naka hatag sang Resolution of No Objection para sa proyekto.
“Ang ila nga pag explain, indi pa gid nila masabat. So indi pa gid kami makahatag RONO sina. Kay ang halit ga stay gid gyapon. Nakita namon namon indi nila ma justify nga madula ang ina nga mga halit”, suno kay Ledesma.