Sandig sa executive order nga ginpa gwa ni Governor Eugenio Jose Lacson ang tanan nga maga abot sa probinsya bisan diin man sila magapadulong ang ipaidalom sa mandatory nga swabbing kag iga quarantine tubtob nga mag gwa ang negative RT PCR test result nila, sumugod Abril uno.
Pila ka mga taga Bacolod nga tuyo magpauli ang nagpabutyag sang kabudlayan sa ila nga sitwasyon bangud nagakasayuran suno sa ila nga wala labot sang ila nga gasto sa negative RT PCR test result nga gina hinyo sang Bacolod, mahimo iga swab man sila kag iga quarantine kun i-base naman sa EO sang probinsya.
Suno sa probinsya indi na sila maghinyo sang negative RT PCR test result sa mga magasulod sa Negros Occidental kasunod sang pagbalik sang daan nga protocol – ang mandatory swabbing.
Padayon man ang S-Pass permit kag staysafe.ph registration nga ginahinyo sa mga traveller sa idalom sang Uniform travel protocol.
Suno kay Atty. Rayfrando Diaz ang provincial administrator, libre ang RT PCR test sang probinsya sa tanan nga magasulod sa Silay Airport.
Ang Silay City sa idalom sang jurisdiction sang Negros Occidental suno sa iya kag sarang nila mapatuman ang tanan nga health protocol sa Bacolod-Silay Airport.
Exempted naman sa mandatory swabbing ang mga gikan sa mga lugar sa Region 6 kasubong man ang mga authorized person outside residence ukon APOR.
Pero sa gihapon ang mga APOR ang ginahaylo nga magpaidalom sa swab test.