Shadow

Nagdangat na sa walo ang nagpositibo sa COVID-19 sa Comelec Bacolod

Isa pa gid ka empleyado sang Comelec Bacolod ang nag positibo sa COVID-19.

Walo na sa karon ang nagpositibo sa virus sa amo nga talatapan.

Pito diri mga empleyado kag isa ang detailed gikan sa LGU.

Isa man sa pito nga nagpositibo ang nakapauli sa Guimaras kag isa sa Cadiz City.

Suno kay Atty Kathrina Trinio- Cana ang Comelec officer sang Bacolod nag negatibo naman sa virus ang resulta sang swab test sang isa sa ulihi nga empleyado nga na swab.

Sa mga nagpositibo isa ang na admit sa ospital.

Gina pat-od pa kun maka balik na bukas ang Comelec – Bacolod sa Lunes nga adlaw, Abril 5.

Humalin pa sang Marso 29, sirado ang Comelec – Bacolod.

Kun tigayon gid man nga makabukas ang Comelec – Bacolod sa Lunes, sarang pa man maka patuman sang registration ang opisina, pero mahimo man nga mabuhinan ang kadamuon sang ma accomodate nila sa registration suno kay Trinio-Cana.

Biernes sang may gin swab nga empleyado bangud nakitaan ini sang sintoma kag sang ulihi nag positibo sa COVID-19.

“Sa next week posible ma open man ang amon nga office. May ara pa kita nga nine (personnel) including myself. So we will have adjustments as to the number of applicants that we will be catering, once nga mag resume ang aton nga registration, ma limit naman kita sa aton nga applicants nga ma accept”, suno kay Trinio-Cana.

Leave a Reply

Your email address will not be published. Required fields are marked *

Secured By miniOrangeSecured By miniOrange