Ginpaidalum sa tatlo ka adlaw nga capacity building ang mga opisyal sang tagsa ka Barangay sa Bacolod City agud mangin focal person sang Public Employment and Services Department para sa mas masanyog nga pagpatuman sang mga employment programs.
Ginsiling ni PESO Coordinator Jovelyn Canoy nga tanan nga mga barangay sa siudad ang bukas nga ginbaton ang Barangay Employment and Service Office nga programa.
Sa idalum sini, ginapaabot nga mas mangin aktibo ang tanan nga mga barangay nga magpakigbahin sa tanan nga programa sang siudad sa pagpanubo sang unemployment rate.
Paagi sini, sarang na nga direkta nga mapatuman sang Department of Labor and Employment ukon DOLE ang mga job fair sa tagsa ka barangay.
Dugang ni Canoy, ini ang inisyatibo sang PESO agud ma align ang programa sang tagsa ka barangay sa programa man sang LGU.
Mas mapadasig man ang pagtumod sang mga barangay nga may mataas nga unemployment rate kag out of school youth, kag para mahatagan man sila sang nagakaigo nga mga intervention.
[sibwp_form id=1]