Southern Negros Occidental photo
Makita sa video ang tuman kadamol sang aso nga nagagwa sa hood sang duag puti nga Kia Picanto matapos ini ginlamon sang kalayo sa Alvarez Street, Barangay Mambaroto sa Sipalay City, mga pasado las 5 sang hapon sang Martes, Setyembre 22.
Natabuan nga may mga personnel sang Coast Guard Station Southern Negros Occidental nga naglabay halin sa Barangay Maricalum kag pabalik na sa ila station.
Ila gingamitan sang handheld fire extinguisher ang kalayo nga nagahalin sa lower engine compartment sang salakyan, samtang nagahulat sa mga bombero.
Wala sang may nasamaran sa insidente.
Suno sa driver, nag shutdown ang iya panel kag wala nag-andar ang accelerator. Sang ginbuksan niya ang ignition, didto kag nakabati ini sang spark kag gulpi lang nag-aso.
Base sa initial investigation sang Sipalay City Fire Station, posible naghalin sa battery sang salakyan ang kalayo.
[sibwp_form id=1]