Mga resto bar nagalaum nga tayuyon na nga makabawi sa negosyo karon nga ginkakas na ang curfew sa Bacolod.
Kun sang nagligad, las dose pa lang sang tungang gab-i sarado ang mga resto bar sa kilid sang dalan Lacson.
Pero karon masako na sila nga nagapanghimus matapos ginkakas na ang curfew sa siudad.
Ginsiling ni Rose Ann Alon, isa sa mga naga ubra sa the Palms nga bisan paano magdamo-damo na ang ila customer kag madugangan man ang ila masami mabaton nga tip.
Sa handum nga makabawi ang ekonomiya karon nga manubo na ang kaso sang Covid-19 kag mataas ang vaccination rate, ginmandu ni Mayor Evelio Leonardia nga i-lift ang curfew kabahin sang pagpahalog sang mga restrictions.
Para naman kay Dr. Edwin Miraflor-OIC sang City Health Office, dapat kuntani magpadayon ang curfew agud mapunggan ang posible paglaton sang virus.
Pero nagapati man siya nga importante man ang pagbukas sang ekonomiya. Pangabay niya lang nga sa pagkakas sang curfew, madamo man ang magpabakuna ilabi na para sa una nga dose sang booster shot agud mapanubo pa ang daily Covid-19 attack rate sang siudad.