Masobra isa ka libo nga negosyante upod sa ila mga empleyado sarang mabakunahan sa bag-o ginbuksan nga vaccination center sa Bacolod.
Indi magnubo sa dos shientos kada adlaw ang sarang mabakunahan sa dugang nga bakuna center sang Federation of Filipino Chinese Chamber of Commerce and Industry sa St. John’s Institute sa Bacolod.
Kutob lang sa A4 category, nalakip diri mga negosyante kag ila mga empleyado kag pamilya ang naka-rehistro para sa inoculation nga magalawig sa Biyernes.
Ginapaabot man nga masobra sa isa ka libo ka mga indibidwal ang mabakunahan sa masobra dos mil ka doses sang sinovac vaccines nga ginpabakal sang pribado nga sector pinaagi sa tripartite agreement.
Dako man ang pagpasalamat ni Mayor Evelio Leonardia sa bulig sang private sector para mapadasig ang vaccination program sang siudad.