Shadow

Masobra sa 700,000 ka mga bakuna maga abot sa Region 6

Masobra sa 740,000 ka Covid-19 vaccines ang ginapaabot sa Western Visayas sini nga bulan sang Hulyo.

Ang Region 6 ang isa sa mga lugar nga may pinaka daku nga share sa bakuna nga mabaton. Ini suno kay Provincial Administrator Rayfrando Diaz base sa mensahe ni Sec. Carlito Galvez sa mga gobernador.

Sinovac, Johnson and Johnson kag AstraZeneca ang mga bakuna nga maga-abot kag sila ang nagahulat pa sang abiso bahin sa allocation sa tagsa ka LGU.

Samtang, ginapaabot sa Hulyo 16 ang 3,500 ka dose sang AstraZeneca vaccine nga gin-order sang probinsya. Suno kay diaz, wala labot diri, ang DOH nagpasalig man sang pag-abot sang dugang pa gid nga AstraZeneca vaccines para sa mga yadtong natalana magbaton sang ila nga second dose sa bulan sang Agosto.

Suno kay Diaz, kun mag una man abot ang ginbakal sang probinsya unahon nga painan ang natalana magbaton sang second dose.

Leave a Reply

Your email address will not be published. Required fields are marked *

Secured By miniOrangeSecured By miniOrange