Mga illegal settler families nga nasunugan sa compound sang Home for the Blind pangitaan sang relocation site.
Walo sa 20 ka mga pamilya nga nawad-an sang puluy-an sang nagluntad ang sunog sa Home for the Blind sa Barangay Mansilingan sa Bacolod City ang mga bulag nga malawig naman nga naga istar sa sulod sang compound.
Ginatun-an sang Department of Social Services and Development nga matukuran sila sang panibag-o nga ilistaran sa sulod sang compound.
Suno kay DSSD OIC Alma Gustilo, indi man malipod nga kadam-an sa ila mga kabataan nga may kaugalingon na nga pamilya ang naga ilistar naman sa sulod sang compound upod sa iban pa nga mga ginakabig illegal settler families.
Sila man ang ginaplanohan sang DSSD nga mapangitaan sang relocation site nga masaylohan ilabi na nga naga gutok na ang mga pamalay sa sulod sang compound nga para lang kuntani sa mga persons with disability.
May 56 ka mga bulag upod sa ila pamilya ang ginatagaan sang food subsidy sang siudad sa compound.
May pila na ka mga pamilya nga naga istar diri ang naghinyo sang bulig sang DSSD para makaangkon sang kaugalingon nga ilistaran.