Nasunog ang kampo nga nagasakop sa tatlo ka mga barangay sa banwa sang Isabela.
Suno kay SFO1 Bryan Rusia sang Bureau of Fire Protection sa Isabela, nagsugod ang kalayo las 5:08 sang hapon sa Hacienda Constancia sa Barangay 5 kag madasig nga naglapta bangud sang mabaskog nga dapya sang hangin.
Ginlamon man sang kalayo ang mga kampo nga nagasakop sang Brgy. 6 kag 7. Suno kay Rusia, una nga nakontrol ang kalayo nga malapit sa mga pamalay.
May mga 50 ka mga balay nga malapit sa nagakasunog mga kampo sa Barangay 5 kag ang mga pumuluyo diri ang nag post sa social media nga naga pangayo sang tabang.
Gina panag-iyahan nanday Paul Monfort kag Jack Nava ang nasunog nga mga kampo.
Nagpangayo man sang bulig ang BFP Isabela sa mga kaingod nga fire station.
Ang BFP Bacolod ang nagpadala man sang apat ka fire truck.
Sa karon nagapadayon pa ang imbestigasyon sa kun ano ang ginhalinan sang kalayo.