Fallen heroes ang pagkabig sang army sa ila mga kaupdanan nga nagkalamatay samtang naga serbisyo sa komunidad.
Gani sang Nobyembre 2, ukon sang All Souls’ Day, nag sindi sang kandila ang katapo sang 79th Infantry Battalion sang Philippine Army sa Barangay Bato sa Sagay City para sa apat tanan nila ka mga kaupdanan nga nagkalamatay samtang yara sa operation.
Suno sa kay 1st Lt. Dan Carlo Samoza, Civil Military Operations Officer sang 79th IB, indi nila pagkalipatan ang sakripisyo sang mga kaupod nila sa serbisyo.
Maga serbe sila nga inspirasyon sa ila sa padayon nga pag angkon sang kalinong.
Nagtambong man sa amo nga seremonya ang misis sang isa sa mga napatay nga soldado.
Naghapit lang siya para magpasalamat sa mga kaupdanan sang iya mister, sa serbisyo pero natabuan nga may seremonya gani nangin kabahin siya sang programa.