Apat tubtob lima ka mga satellite command center ginaduso sang Bacolod DRRM nga matukod sa siudad.
Magluwas sa ginatukod nga command center sang Bacolod DRRMO sa Barangay Taculing, ginduso ni DRRMO head Dr. Anna Maria Laarni Pornan ang construction sang apat tubtob lima pa ka mga satellite command center sa siudad.
Nalakip diri ang ginaplano itukod sa Barangay Vista Alegre ukon sa area sang Barangay Granada, Mandalagan, Bredco area kag Alijis.
Mangin kabahin sang satellite command center ang opisina sang PNP, BFP kag DRRMO personnel nga sarang nga gilayon maka-responde sa tion sang posible pagluntad sang emerhensya.
Sa pagsinapol upod kay Mayor Albee Benitez gin-propose man ni Pornan ang pagbakal sang dugang nga mga ambulance sa madasun nga tuig nga italana para magamit sang mga clustered barangays.