Sa banwa sang La Castellana, padayon nga naga pabilin sa mga eskwelahan ang mga nagub-an sang balay tungod sang pagbaha dala ni Bagyo Tino.
Suno kay John de Asis ang DRRM Officer sang La Castellana, tigayon na nga naghinyo ang LGU kag gin aprobahan naman ang pag extend anay sang pagtenir sang mga internally displaced persons sa mga eskwelahan.
Sa memorandum, 15 diyas lang dapat maga tenir ang mga nagbakwit sa eskwelahan.
Suno kay de Asis padayon pa ang pag handa sang temporaryo nga salayluhan sang mga pumuluyo nga na wash out ang ila nga mga balay lakip na ang sakop sang mga naga puyo sa mga lugar nga gindeklarar na nga no build zone.
Ini sila ang maga istar sa prefabricated modular tents sang DHISUD.
Ang mga na identify nga lugar nga temporaryo teniran ang open field sang college kag sa Kasilingan Village pareho nga sakop sang Brgy Robles.
Magluwas sa mga na wash out nga balay, may mga balay man nga nagkalaguba bangud sang nagkalaigo sang kahoy, nagkalatampukan sang lunang kag iban pa.
May iban naman nga nag amat-amat na restore sang ila nga mga pamalay.
May yara man iban nga nagsaylo sa ila nga mga himata.*