Ginahulat sang banwa sang La Castellana ang pag abot sang mga heavy equipment nga ipahulam sa ila sang probinsya para masugdan ang pag hawan sang Ibid Creek sa BiaknaBato.
Kasunod sang ulan nga dala sang bagyo Inday, gin-anod naman padulong sa creek ang mga volcanic debris nga damlag pa nag gikan sa maka pila man ka beses nga pagbuga sang bulkan Kanlaon lakip na ang moderately explosive eruption sini.
Suno kay Vice Mayor Rhummyla Nicor, nag hatag na sang permiso si Governor Eugenio Jose Lacson sa pag pahulam sa La Castellana sang heavy equipment.
Maga patuman na lamang sang initiative ang La Castallana sa pag scrape sang Ibid creek. Kun ibutang man lamang nila sa kilid liwat nga ma anod kun mag bubo ang ulan, suno kay Nicor.
Gina plano nila nga isaylo sa ubos nga bahin sang lugar ang mga materials nga makalkal. Kinahanglan nga mahawanan ang Ibid creek bangud sang posible pag awas naman sang tubig kun magbubo ang ulan.
Kinahanglan man suno kay Nicor nga ma-relocate ang mga pumuluyo nga malapit sa Ibid creek. May mga 60 ka pamilya suno sa iya ang dapat nga masaylo.
Ang relocation site sa Brgy Talaptap nga para sa mga apektado sang bulkan Kanlaon ang indi pa man sarang masayluhan sa karon.
Ang Ibid Creek kabahin sang protected area.
“Very detrimental na gid, kay ang creek naga tiphag kabay, kay ang mga kahoy, nagkalaLAgas, naGKALAtumba PLUS mga bato, puro na gid siya mga balas. Nga kun lantawon mo, diutay lang nga volume sang water coming from the bukid sang Kanlaon, naga UPOD ANG MGA debris naga awas na siya. Pero ang sa ubos sang creek, kundi nanubuan siya, gin survey na namon pag kadto ko, pag evacuate sa ila, siling ko you need to look for relocation”, suno kay Nicor.
[sibwp_form id=1]