Sa kapin 9,000 ka mga violations nga na record sang Bacolod City Transport and Traffic Management Department ukon BTTMD, nagapanguna nga violation amo ang obstruction sa dalan.
Masobra sa 2,000 ka mga salakyan kag tricycle ang tigayon nga na isyuhan sang ticket sang BTTMD bangud nagabalabag ini sa dalan samtang ang iban naman ang naga park sa indi mga designated areas.
Padayon man ang towing operations sang BTTMD. Humalin Enero tubtob Hunyo, may 534 na nga tow, kag kalaban diri ang mga electric bikes nga nagabyahe sa dalan.
Ginsiling ni Atty. Reuben Sabig, pamuno sang BTTMD, nga padayon pa ang ila pagpanakop sa mga e-bikes bangud wala pa sila ginmanduan sang Sanguniang Panlungsod nga untaton ini.
Damlag pa, gin-apbrohan na sang SP ang ordinansa nga maga regulate sa mga e-bikes, apang tubtob na sa karun wala pa ini mapatuman.
Sandig sa ordinansa, kinahanglan nga magpasa sang Barangay Ordinance ang tagsa ka barangay kun sa diin nakasaad ang designated areas kag route sang mga e-bikes nga nagabyahe sa ila lugar.
Samtang may 195 naman ka mga salakyan ang gin-clamp sang BTTMD bangud yara ini sa mga clamping areas nagapondo.
[sibwp_form id=1]