Shadow

Mga naga trabaho sa high risk areas ipaidalom sa libre nga swab test kun magpauli sa Sagay

Siudad sang Sagay ang magahatag sang libre nga RT-PCR test sa mga luyag mag pauli sini nga paskwa sa Sagay nga gikan sa mga ginakabig nga high risk area.

Suno kay Mayor Alfredo Maranon, III, ini ang patigayunon sa December 12, 13, 19 kag 20.

Ang registration ang magasugod otso sang aga tubtob las dies sang aga. Ang swabbing naman magasugod las dies tubtob las dose sang udto sa Benjamin Hall sa 4th Lacson Street sa Bacolod.

Pero kinahanglan mag pa pre register sang mga luyag mag avail sa numero 0975-020-5035.

Suno kay Maranon padayon ang pagpatuman sang tikang para mapangapinan ang tagsa tagsa kontra COVID-19.

Nagahinyo man sang pasaylo si Maranon sa mga nabudlayan sa sitwasyon. Suno sa iya mas daku nga kapaltahan kun mag pabaya kag mabutang sa katalagman ang tagsa tagsa.

Iya naman ginapasalamatan ang tanan nga frontliners kag volunteers sa bulig kag padayon nga away kontra sa virus.

Secured By miniOrangeSecured By miniOrange