Shadow

Mga LGU amat-amat na nga ginapahalugan ang protocols sa turismo

YouTube player

Mahimo sa sini nga Domingo, ma lift na ang no movement policy nga nasandig sa executve order nga ginpapanaog ni Mayor Rhumyla Nicor-Mangilimutan sa banwa sang La Castellana.

Suno sa alkade kun ma aprobahan ang iya nga gina duso nagakasayuran nga pwede na magbukas kun domingo ang mga cafe kag restuarant kag iban pa nga lugar nga ginasayuhan sang mga turista.

Pero suno kay Nicor-Mangilimutan sa gihapon may control kag pangitaan sang barangay certification ang mga mga magapadulong.

Importante nga mabuligan ang turismo suno sa iya para makatibawas ang ekonomiya pero indi man makumpromiso ang kampanya kontra COVID-19.

Sa Sipalay City naman, sa updated modified general communty quarantine guidelines ni Mayor Gina Lizares may pila ka mga pag bag-o.

Ini ang nagalakip sang pagbukas sang wet kag dry public markets sa Sipalay kun Domingo.

Tanan nga mga restaurant kag establisimiento ang tugutan naman nga mag operate sa Domingo nga adlaw.

Gin tugutan naman ang pagbiyahe sang mga tricycle, e trikes kag trisikad sa Domingo.

Ang mga turista pwede naman maka boating kag island hopping basta naka book sa resort sa Sipalay.

Pwede naman mag snorkel basta ila lang kaugalingon nga gear.

Strongly discouraged naman ang mass gatherings kag dalagko nga pagtililipon kasubong sang reunion.

Ang mga pumuluyo gina abisuhan nga sa balay na lamang nila magtipon tipon kag limitahan sa immediate family members ini.

Ang siudad sang Escalante naman nag regulate sang tourism related activities sini lakip na sports kag social events.

Sa executive order nga ginpapanaog ni Mayor Melecio Yap, gina palab-ot sinii ang suporta sa economic revival sang siudad sa tunga sang epekto sang COVID-19.

Angut diri ang mga none contact sports ang pagatugutan na basta nasunod ang health protocol.

Footbaths, thermal scanner handwashing kag alcohol stations ang nakabutang dapat sa mga entrance sang resort.

Ang mga non resident guests ang iga require sa pag submit sang medical certificate, travel pass kag pag fill out health declaraation form.

Ang mga empleyado ang wala ginantugutan sa ano man nga sahi sang social gathering sa ila official capacity angut sa Yuletide season.

Secured By miniOrangeSecured By miniOrange